SOMO LA SIFA NA KUABUDU LINAENDELEA....KWANINI MUNGU ANATAKA KUSIFIWA

SEHEMU YA PILI

KWANINI MUNGU ANATAKA KUSIFIWA

Katika sura iliyopita, tumejifunza kwamba, Mungu anaheshi sana sifa na ibada, na Mungu anataka sana kusifiwa na kuabudiwa. Na kama vile Mfalme Daudi alivyoandika katika Zaburi 22:3 kwamba; “Wewe U Mtakatifu, Uketiye juu ya sifa za Israeli.” Hivyo, tumeona kwamba, Mungu ametuumba sisi na viumbe wote, ili tutimize mapenzi yake au matakwa yake au mahitaji yake, amabyo ni kusifiwa na kuabudiwa. Ndio maana Mungu anataka sana kusifiwa na kuabudiwa; yaani sifa na ibada kwa Mungu, ni vitu vya thamani sana na vya umuhimu sana. Kwakweli, Mungu anaheshimu sana sifa na ibada

.

Na tumejifunza kwa maisha ya Mfalme Daudi, jinsi alivyolielewa kusudi hili la Mungu juu ya maisha yake au juu ya maisha yetu sis wanadamu, kwamba tumeumbwa tuwe kama chombo cha kumsifu na kumwabudu Mungu siku zake zote za maisha yake, maadam tunaishi. Hivyo basi katika sura hii, kama nilivyokuahidi, hebu tuchimbe zaidi na tutafute kujua, kwanini Mungu anataka sana kusifiwa. Katika sura hii, nataka tujifunze kwa undani zaidi, sababu inayomfanya Mungu kupenda sana sifa, na hata kuumba viumbe wote ili wawe au ili tuwe, vyombo vyake viteule, vya kumsifu na kumtukuza yeye. Hebu tujifunze kwanini Mungu anaheshimu sana sifa.

Mungu anaishi katika sifa na ibada viumbe na watu wake.

Uuumm … Si watu wengi wanaojua kwanini Mungu anaheshimu sana sifa na kwanini Mungu anapenda sana ibada na sifa. Na hivyo basi, si watu wengi wanaojua kwanini Mungu anataka sana kutukuzwa na tena ameagiza kwamba asifiwe. Kwahiyo, katika kipengele hiki, nataka nikupe ufunuo huo, ili nawe upate kujua, kwanini Mungu aliumba viumbe vyote na alituumba na sisi wanadamu. Nataka na wewe upate ufunuo huu, ili upate kujua sababu inayomfanya Mungu kuheshimu sana sifa na ibada. Katika kipengele hiki, utaelewa jinsi ambavyo Mungu anaishi katika sifa za watu wake, yaani jinsi Mungu anavyoishi katika sifa na ibada. Hebu tuanzie katika mistari hii, ambayo tumekwisha kuisoma mara kadhaa; Zaburi 22:3 inayosema kwamba;

“Wewe U Mtakatifu, Uketiye juu ya sifa za Israeli.”

(Zaburi 22:3)

Ngoja nianze kwa kusema kwamba, Mungu alitumia mstari huu mmoja, kufungua sana macho ya moyo wangu, ili kunipa ufunuo huu ambao ulibadilisha maisha yangu, kama ulivyobadilisha maisha ya Daudi bin Yese. Mstari huu ulileta ufunuo mkubwa sana maishani mwangu, hata kuweza kuelewa jinsi Mungu anavyoheshimu sana sifa na ibada. Niliweza kuelewa kwanini Mungu anapenda sana sifa na ibada. Nami nataka na wewe pia uweze kuelewa jinsi Mungu anavyoheshimu sana sifa na ibada, hata akatuumba na sisi ili tumpe sifa na utukufu. Ni maombi yangu kwamba, Mungu akupe ufunuo huu, afungue macho ya moyo wako pia, ili na wewe uweze kuelewa umuhimu wa sifa na ibada kwa Mungu, na ili na wewe uanze kuwa chombo cha sifa na ibada kwa Mungu. na Mungu akujalie kufanya wito huu kwa uaminifu na bidii.

Maandiko haya katika Zaburi 22:3 yanasema kwamba, ‘Nawe U Mtakatifu, Uketiye juu ya sifa za Israeli (au kwa maana nyingine, ukaaye katika sifa za watu wako).’  Angalia tena vizuri, hilo neno ‘uketiye’. Hilo neno kuketi, halimaanishi tu kukaa, bali linamaanisha pia kuishi. Ni neno la kawaida kabisa tulilolizoea katika lugha za kila siku. Kwa mfano, mtu akiulizwa kuhusu mahali gani anapoishi, mara nyingi huwa tunasema ‘mimi ninakaa mtaa fulani’ au ‘mimi ninakaa kitongoji fulani’. Na hapo huwa tunamaanisha kwamba, tunaishi katika mtaa huo au ‘tunaishi’ katika kitongoji hicho au eneo hilo, na sio kwamba huo mtaa unaokaa, huwa unaukalia kama vile unavyokalia kiti chako; haapanaaa! Bali huwa tunamaanisha kwamba, huko uliposema  unapokaa ndipo mahali pako au mahali petu pa makazi au maisha; yaani ndipo mahali wewe unapoishi.

Kwa mfano; Mtu anaposema mimi ninakaa Kinondoni, au Temeke au Ilala; au mtu anaposema kwamba ‘mimi nakaa Ubungo au Kariakoo,’  huwa tunajua kabisa ya kwamba, mtu huyo hamaanishi kwamba, Kinondoni ni kiti chake au Ubungo ni kiti chake au huo mtaa alioutaja ni kiti chake cha kukalia; haapanaaa! Bali mtu akisema hivyo, sisi wote tunaelewa, huwa anamaanisha kwamba, yeye anaishi Ubungo au anaishi Kinondoni au anaishi Mbagala au anaishi katika huo mtaa alioutaja. Kwa uelewa huu, huu mstari tuliousoma katika Zaburi 22:3 kwamba Mungu anaketi katika sifa za watu wake, haumaanishi tu kwamba Mungu ameweka kiti chake katika sifa za watu wake, kwa kuziheshimu sana; bali pia mstari huu unaweza kumaanisha kwamba, Mungu anaishi katika sifa za watu wake.

Kwa dhana hii au kwa uelewa huu, utaanza kuiona sifa na ibada kitofauti. Naamini utaiona sifa na ibada kuwa ni sehemu muhimu sana ya maisha yako na utaiheshimu sana kama vile Mungu anavyoiheshi; kwani Mungu anaishi katika sifa za watu wake. Na hii ndio sababu kubwa inayomfanya Mungu kupenda sana sifa za watu wake na si hivyo tu, bali hata kutaka sana kufanyiwa sifa na ibada na watu wake. Na ndio maana Mungu anatuamuru sisi wote tulio viumbe wake, kumsifu na kumwabudu yeye kila siku ya maisha yetu; na hii si mpaka iwe siku maalumu ya ibada kama vile Jumapili, No! Bali ni kila siku ya maisha yetu. Narudia tena kusema kwamba, kila siku ya maisha yetu, ni siku ya ibada, na inatakiwa tuichukulie hivyo.

Ni muhimu sana mtu wa Mungu uelewe hilo na upange vizuri ratiba zako kwa kila siku ili uweze kuishi katika kumpendeza Mungu. Usingoje kumwabudu na kumsifu Mungu siku ya Jumapili tu au katika siku maalumu iliyopangwa na kanisa lako ili kukutanika ibadani, haapanaaa! Mungu anataka tuwe tunakutana naye kila siku katika sifa na ibada. Kwahiyo, jenga nidhamu ya kukutana na Mungu kwa sifa na ibada, katika nyumba yako au katika chumba chako au katika mahali popote patulivu, utakapopachagua wewe. Mungu wet anataka tuwe na nidhamu ya kukutana naye ‘kila siku’ katika sifa na ibada. Kama ulikuwa hujui, sasa umejua. Ibada kwa Mungu inatakiwa iwe kiiiiila siku.

Kwahiyo, kama nilivyosema hapo juu, ni muhimu sana mtu wa Mungu uelewe hilo na upange vizuri ratiba zako kwa kila siku ili uweze kuishi katika kumpendeza Mungu. usimalize siku nzima pasipo kupata muda wa kukaa mbele za Mungu na kusema naye juu ya uzuri wake na utukufu wake. Panga ratiba zako vizuri, na uuheshimu muda wa kukaa mbele za Mungu. kama unataka Mungu akuheshimu mtaani au duniani, hebu na wewe mwonyeshe kwamba, unamheshimu kwa muda wako. Narudia tena kusema, hebu usingoje kumwabudu na kumsifu Mungu, siku ya Jumapili tu au katika siku maalumu iliyopangwa na kanisa lako ili kukutanika ibadani, haapanaaa! Fahamu kwamba, Mungu anataka tuwe tunakutana naye ‘kila siku’ katika sifa na ibada. Habari ndio hiyo!

Na Mfalme Daudi alilielewa kusudi hili la Mungu juu ya maisha yake, kwamba yeye ameumbwa awe kama chombo cha kumsifu na kumwabudu Mungu siku zake zote za maisha yake, maadam tu, anaishi. Na Daudi alilitimiza kusudi hili vizuri. Na ndio maana anaandika kwamba; Halleluyah! Ee nafsi yangu, umsifu Bwana. ² (Nami Daudi) Nitamsifu Bwana, muda ninaoishi, nitamwimbia Mungu wangu ningali ni hai.” (Zaburi 146: 1-2)

Sifa na ibada ni kama mahali pa maisha ya Mungu

Kwa wale mnaoweza kusoma Biblia za kiingereza, utaona katika baadhi ya tafsiri za Biblia za kiingereza, mstari huu umeandikwa kwamba ‘Mungu ana inhabit the praises of Israel, yaani Mungu ana-ishi katika sifa za watu wake. Hili neno ku-inhabit linatokana na neno la kiingereza la habitat. Na kwa wale mliosoma biology ya form one (sayansi ya viumbe ya kidato cha kwanza), mtakumbuka kwamba Habitat – is a special place where living things are found naturally. Yaani, ni mahali maalum, viumbe wa hupatikana kuishi kwa asili. Kwa mfano; Siku Nuhu alipofungua mlango wa safina, hakuhitaji kuwaambia wanyama waende wapi na wapi, bali kila mnyama alijua pa kukimbilia; kila mnyama alikimbilia katika mahali pake maalumu pa kuishi, kutokana na ile asili yake, aliyopewa na Mungu. 

Naamini uakumbuka habari za Mzee Nuhu, aliyejenga safina na kuingiza wanyama wote huko ndani. Kisha Mungu akafungulia maji, na dunia ikazamishwa majini kwa muda wa siku zaidi ya arobaini. Siku Nuhu alipotoka katika safina, na akaufungua mlango wa safina, wananyama wote walitoka na kuanza kuimbia, kila mnyama kalilekea katika mahali pake maalum kwa makazi yake, sawa sawa na asili ambayo Mungu amewaumbia. Tunasoma kwamba, Nuhu hakuhitaji kuwaelekeza wanyama mahali pa kwenda, bali kila mmoja, sawa sawa na alivyoumbwa, alivutwa na asili yake kuelekea kule ambako kwa asili, ndiko maisha yake yalipo.

Nuhu hakuhitaji kumwambia samba, chui, fisi, twiga, tembo na nyani waende wapi, bali kila mmoja wao, sawa sawa na alivyoumbwa na Mungu, alivutwa na asili yake kuelekea kule ambako kwa asili, ndiko maisha yake yalipo; kila mmoja alivutwa kwenda katika habitat au habitation yake. Pia, Mzee Nuhu hakuhitaji kumwambia chura, kobe na mamba waende kuishi wapi, bali kila mmoja wao, sawa sawa na alivyoumbwa na Mungu, alivutwa na asili yake, kwenda kuishi kule ambako kwa asili, maisha yake ndipo yalipo; kila mmoja alivutwa kwenda katika habitat au habitation yake.

Wanyama wote walioumbwa kuishi maporini na msituni, walikimbilia huko kwa asili yao, bila kupelekwa. Na ndege wote walioumbwa kuishi maporini na msituni, walikimbilia huko kwa asili yao, bila kupelekwa na mtu. Hiyo ndiyo maana ya habitat ua habitation, ni mahali maalum kwa maisha ya viumbe, kwa asili zao, bila kupelekwa na mtu yeyote.

Lakini pia, Mzee Nuhu hakuhitaji kumwambia mbwa, kuku na njiwa waende wapi, bali kila mmoja, sawa sawa na alivyoumbwa, alikamatwa kubaki pale pale pamoja na familia ya Mzee Nuhu. Kwa asili ya wanyama hawa, Mungu aliwapa kubaki kuishi na binadamu; kwani ndiko ambako kwa asili, ndiko maisha yao yalipo; wameumbwa kuishi na sisi. Na ndio maana, kuna njiwa pori na njiwa wa kawaida. Pia kuna mbuzi pori (swala) na mbuzi wa kawaida. Na mbwa pia, kuna mbwa wa porini (fisi) na kuna mbwa wa kawaida. Hata na paka, kuna paka porini na paka wa kawaida. Wa pori ni waporini, lakini, wa kawaida ni wa nymbani kwa binadamu; wameumbwa kuishi na binadamu. Na wanyama hawa wote wana, wale wa porini na hawa wa kawaida, wana tabia tofauti kabisa. Wa porini hawafugiki, bali wa kawaida, wanafugika; ndivyo Mungu alivyowaumba.

Kwahiyo, siku ile maji ya gharika yalipokauka juu ya uso wa dunia, Mzee Nuhu hakuhitaji kumwambia mbwa na kuku na njiwa waende wapi, bali wanyama wote hawa, sawa sawa na asili yao waliyoumbiwa, asili yao iliwakamata kubaki pale pale, kuishi pamoja na familia ya Mzee Nuhu; kwasababu, kwa asili ya wanyama hawa, Mungu aliwapa kubaki kuishi na binadamu; kwahiyo, ndiko ambako maisha yao yalipo; mbwa, paka, kuku, bata, mbuzi na njiwa (na wanyama wengine wa kawaida ambao sijawataja) wameumbwa na Mungu kuishi na sisi. Kwa lugha ambayo nimekuwa nikiitumia, wanyama hawa, habitat au habitation yao ni pale binadamu alipo. Hiyo ndiyo maana ya habitat au habitation.

Kwahiyo, Habitat – is a special place where living things are found naturally; yaani, habitat ni mahali maalum, viumbe wa asili hupatikana kuishi kwa asili zao, pasipo kupelekwa na mtu. Kwahiyo Biblia inaposema Mungu ana-inhabit sifa za Israel, ina maanisha kwamba, Mungu anaishi katika sifa za watu wake. Ngoja niongee kwa mifano ya kibinadamu, ili unielewe vizuri zaidi; maana mwalimu bila mifano, shule haiingii vizuri. Ookeey! Kwa Mfano, kama vile samaki kwa asili yake, anavyoishi katika maji, na ndivyo ambavyo Mungu anaishi katika sifa za watu wake. Au, kama vile miti, kwa asili yao iliyoumbiwa na Mungu, inavyoishi katika ardhi au katika udongo, ndivyo  ambavyo Mungu anavyoishi katika sifa na ibada za watu wake; Na kama vile binadamu, kwa asili yetu, tulivyoumbw kuishi katika hewa, ndivyo ambavyo Mungu anavyoishi katika sifa na ibada za watu wake.

Ngoja niongee kwa lugha ya kibinadamu kabisa; Jamani, najaribu kusema hiviii, kama Mungu angekuwa samaki, basi sifa na ibada ndio yangekuwa maji kwa Mungu; Kama Mungu angekuwa mti, basi sifa na ibada ndio ungekuwa udongo kwa Mungu; na kama Mungu angekuwa binadamu, basi hii hewa ya oxygen tunayoivuta, ndio ingekuwa kama sifa na ibada kwake. Jamani, huu ni mfano tu, sijasema kwamba, Mungu wetu ni samaki au ni mti; No! No! No! msije mkanitenga na kanisa. Nimeongea tu kwa lugha ya kibinadamu, ili uweze kuelewa kirahisi uthamani na umuhimu wa sifa na ibada kwa Mungu wetu.

Kwahiyo basi, kutokana na ule mstari tuliousoma katika kitabu cha Zaburi 22:3 unaosema; ‘Nawe U Mtakatifu, Uketiye (au an-inhabit) juu ya sifa za Israeli’. Tumeona kwamba, lile neno ‘unaketi’ katika sifa za watu wako, lina maana kubwa sana. Tumeona kwamba, katika tafsiri zingine za Biblia, neno hilo linamaanisha ‘unaishi katika sifa za watu wako’. Na kwa kiingereza, Biblia zingine zimesema kwamba, Mungu ana-inhabit sifa za watu wake. Na kama Mungu inhabit au anaishi katika sifa na ibada za watu wake, basi uwe na uhakika kwamba, sifa na ibada kwa Mungu ndio kitu cha thamani kuliko vyote. Kwasababu, kama sifa na ibada ndiyo mazingira ya Mungu ya kuishi (yaani ‘Habitation’ yake), basi hiki ndicho kitu cha maana zaidi na ndio kitu cha thamani zaidi kwa Mungu. 

Kwa Mfano wa Samaki;

Piga picha mwenyewe, kitu cha kwanza na cha thamani zaidi kwa maisha ya samaki ni nini? Mimi naamini kwamba maji ndio kitu cha thamani zaidi kwa samaki, kuliko kitu kingine chochote, kwasababu maji ndio mahali yalipo maisha au habitation/habitat ya samaki. Ukimnyima samaki maji, unamtakia mauti tu. Atakufa! Kwahiyo, hakuna kitu kingine chochote kilicho cha thamani na umuhimu mkubwa kwa samaki kama maji.

Vivyo hivyo kwa Mungu wetu; kwasababu Mungu anaishi katika sifa za watu wake au ana-inhabit  sifa za watu wake, kama Zaburi 22:3 inavyosema. Hivyo basi, kwa ukweli huu, nakwambia kwamba, katika vitu vyote, hakuna kitu kingine cha thamani kwa Mungu, kama kusifiwa na kuabudiwa. Kwahiyo, kusifiwa na kuabudiwa ndiyo shauku ya Mungu ya kwanza na tena ndio hamu iliyo kubwa zaidi kuliko vyote. Na ndio maana, hata kule mbinguni, tutakapofika, hatutafanya kitu kingine zaidi ya kumsifu na kumwabudu Bwana.

Hiyo inaonyesha kwamba, sifa na ibada ndio kitu cha thamani zaidi kwa Mungu, kuliko kitu kingine chochote, kwasababu Mungu anaishi katika sifa na ibada za viumbe wake; au kwa ile lugha yetu tuliyojifunza, Mugnu ana-inhabit  sifa za watu wake, kama Zaburi 22:3 inavyosema. Hiyo ndiyo maana ya habitat au habitation. Habitat – is a special place where living things are found naturally; yaani, habitat ni mahali maalum, viumbe wa asili hupatikana kuishi kwa asili zao, pasipo kupelekwa na mtu.

Kwahiyo Biblia inaposema Mungu ana-inhabit sifa za Israel, ina maana kwamba, Mungu anaishi katika sifa za watu wake. Hivyo basi, kwa ukweli huu, ni muhmu sisi viumbe wake tujue kwamba, hakuna kitu kama sifa na ibada, katika moyo wa Mungu. Kama nilivyosema hapo juu kwamba, katika vitu vyote, hakuna kitu kingine cha thamani kwa Mungu, kama kusifiwa na kuabudiwa. Kwahiyo, kusifiwa na kuabudiwa ndiyo shauku ya Mungu ya kwanza na tena ndio hamu iliyo kubwa zaidi kuliko vyote.

Kwa Mfano wa Mimea au Miti;

Hebu jiulize mwenyewe, hiviiii, kitu cha kwanza na cha thamani zaidi kwa miti ni nini? Jiulize tu. Mimi naamini kwamba udongo na maji ndio vitu vya thamani zaidi kwa miti au maua au mimea, kuliko kitu kingine chochote; hii ni kwasababu udongo na maji ndio mahali yalipo maisha au habitation/habitat ya mimea yote. Kwahiyo, hakuna kitu kingine chochote kilicho cha thamani na umuhimu mkubwa kwa miti na maua na mimea kama udongo na maji.

Vivyo hivyo kwa Mungu, kwasababu Mungu anaishi katika sifa za watu wake, basi katika vitu vyote, hakuna kitu kingine cha thamani kwa Mungu, kama kusifiwa na kuabudiwa, kwasababu Mungu anaishi katika sifa na ibada. Kusifiwa na kuabudiwa ndiyo haja yake kubwa. Kama nilivyosema hapo kwanza, huko mbinguni, tutakapofika, hatutafanya kazi nyingine yoyote zaidi ya kumsifu na kumwabudu Bwana. Hiyo inaonyesha kwamba, sifa na ibada ndio kitu cha thamani zaidi kwa Mungu, kuliko kitu kingine chochote.

Kwa Mfano wa Mtu au Binadamu;

Hebu jiulize tena, hiviiii, katika vitu vyooooote vilivyopo duniani, kitu cha kwanza na cha thamani zaidi kuliko vyote kwa binadamu ni nini? Jiulize tu. Fikiria vizuri kabla ya kujibu. Je ni ardhi? Je ni nyumba? Je ni chakula? Mimi naamini kwamba, kitu cha thamani zaidi katika maisha ya mwanadamu, si chakula, bali ni hewa (yaani oxygen). Hewa ndio vitu vya thamani zaidi kwa mwanadamu, kuliko kitu kingine chochote, kuliko hata chakula. Hii ni kwasababu mahali popote penye hewa ya ‘oxygen’, ndipo mahali yalipo maisha ya mwanadamu wote. Sikiliza, mtu anaweza kukaa dakika 5 bila kula chakula, lakini mtu hawezi kukaa dakika s bila kuvuta hewa; lazima atakufa! Kwahiyo, hewa ndio vitu vya thamani zaidi kwa mwanadamu, kuliko kitu kingine chochote, kuliko hata chakula. Kwahiyo, hakuna kitu kingine chochote kilicho cha thamani na umuhimu mkubwa kwa binadamu, kama hewa.

Kwa Mungu, kitu cha thamaani zaidi kuliko vyote, ni sifa na ibada.

Kwa mifano hiyo yoooooote tuliyoiona hapo juu, basi ni vivyo hivyo na kwa Mungu; kwasababu Mungu anaishi katika sifa za watu wake, basi katika vitu vyote, hakuna kitu kingine cha thamani kwa Mungu, kama kusifiwa na kuabudiwa; iko hivyo kwasababu, Mungu anaishi katika sifa na ibada za watu wake. Kutokana na ule mstari tuliousoma katika kitabu cha Zaburi 22:,3 unasema; ‘Nawe U Mtakatifu, Unaishi  (unaketi) juu ya sifa za Israeli’. Kwa hiyo, kusifiwa na kuabudiwa ndiyo haja  kubwa zaidi ya Mungu kuliko kitu kingine chochote. Kama nilivyosema hapo kwanza, huko mbinguni, tutakapofika, hatutafanya kazi nyingine yoyote zaidi ya kumsifu na kumwabudu Bwana. Hiyo inaonyesha kwamba, sifa na ibada ndio kitu cha thamani zaidi kwa Mungu, kuliko kitu kingine chochote. 

Kwahiyo, kusifiwa na kuabudiwa ndiyo shauku ya Mungu ya kwanza na tena ndio hamu iliyo kubwa zaidi kuliko vyote. Na ndio maana, hata kule mbinguni, tutakapofika, hatutafanya kitu kingine zaidi ya kumsifu na kumwabudu Bwana; hiyo inaonyesha kwamba, sifa na ibada ndio kitu cha thamani zaidi kwa Mungu, kuliko kitu kingine chochote, kwasababu Mungu anaishi katika sifa na ibada za viumbe wake; au kwa ile lugha yetu tuliyojifunza, Mungu ana-inhabit  sifa za watu wake, kama Zaburi 22:3 inavyosema. Hiyo ndiyo maana ya habitat au habitation. Habitat – is a special place where living things are found naturally; yaani, habitat ni mahali maalum, viumbe wa asili hupatikana kuishi kwa asili zao, pasipo kupelekwa na mtu. Kwahiyo Biblia inaposema Mungu ana-inhabit sifa za Israel, ina maana kwamba, Mungu anaishi katika sifa za watu wake. Hivyo basi, kwa ukweli huu, ni muhmu sisi viumbe wake tujue kwamba, hakuna kitu kama sifa na ibada, katika moyo wa Mungu. Kama nilivyosema hapo juu kwamba, katika vitu vyote, hakuna kitu kingine cha thamani kwa Mungu, kama kusifiwa na kuabudiwa. Kwahiyo, kusifiwa na kuabudiwa ndiyo shauku ya Mungu ya kwanza na tena ndio hamu iliyo kubwa zaidi kuliko vyote.