HEBU SIKILIZA USHUHUDA WA MAMA HUYU AMBAYE ALIKAA ZAIDI YA MIAKA KUMI NA MOJA KATIKA NDOA BILA KUPATA MTOTO ....LAKINI SASA MUNGU AMEJIBU UHITAJI WAKE

MACHOZI YA FURAHA...... MIAKA KUMI NA NNE NDANI YA NDOA BILA MTOTO LAKINI MUNGU KASIKIA KILIO CHANGU SASA NIMEPATA MTOTO

ACHA NIMSHUKURU MUNGU SIO MCHEZO KUKAAA MIAKA KUMI NA NNE NDANI YA NDOA BILA KUPATA MTOTO                                                                                                                                                                                                                                                                                 Jumapili ya tarehe ya 31.8.2014 ilikuwa siku ya furaha na shangwe katika kanisa la fpct tegeta kwa Mama  huyu ambae alikaa miaka kumi na nne katika ndo yake yeye na mume wake bila kupata mtoto lakini baada ya kusubiri kwa kipindi hicho chote  ndipo Mungu aliposikia kilio chao na kujibu uhitaji wao wa muda mrefu na sasa wamepata mtoto                                                                                                                                                                                                           

                               kutoka kulia mama Ana na Mme wake wakimshukuru mungu                                                                                                                                                                                                      Ilikuwa ni siku ya machozi kwa mama huyu  pamoja na mme wake hasa pale Walipokuwa wanamshukuru Mungu katika kanisa la fpct Tegeta baada ya kupitia kipindi cha mapito, majaribu,na vishawishi vya kila namna katika kipindi chote cha miaka minne ambacho walikuwa wakimlilia Mungu ili aweze kukutana na uhitaji wao.                                                                                                                                                                                                                                                                            Familia hii wakati inamshukuru Mungu kiukweli karibu kanisa zima hakuna ambaye hakutoa machozi hasa baada ya kuusikiliza ushuhuda mama huyo wakati wakielezea namna ambavyo walimuomba Mungu ikafikia hatua ambayo walionekana kuchoka kusubiri na ndipo Mwanamke aliamua kuchukua jukumu la kwenda kwa mganga wa kienyeji na  Mungu kumuweka pembeni, Anasema alipofika kwa Mganga, mganga alimwambia tatizo lake limepata ufumbuzi ila alitakiwa kutoa shilingi laki sita na kuku mmoja baada ya hapo alitakiwa kwenda makabulini yeye pamoja na mganga ili aweze kuambiwa masharti ya kufanya.                                                                                                                                                                                                                                                             Aliendelea kushuhudia kuwa baada ya kufika makabulini mganga alimwambia kuna shimo kubwa ambalo alitakiwa kuingia ndani ya shimo hilo Mwanamke huyo alionekana kuwa na uoga hasa alipotakiwa kuingia Ndani shimo lakini kingine kilichomuogopesha ni makabuli yaliyokowa yamezunguka katika mazingira hayo halafu ilikuwa ni usiku usiku wa manane.                                                                            

                                                                                                                                                                     Anasema kwa kuwa alikuwa ana hamu ya kupata mtoto aliamua kuingia ndani ya shimo hilo na ndipo mganga alimwambia kuna joka kubwa litakuja kwenye shimo ili liweze fanya mapenzi  na mama huyo baada ya kusikia hivyo alipiga kelele na kuanza kuyakataa masharti hayo lakini mganga alimwambia kwa vyovyote vile ni lazima afuate masharti hayo na tofauti na hapo hatopata mtoto milele.                                                                                                                                                                      Hakika kilikuwa kipindi kigumu sana aliendelea kushuhudia na kusema baada yakuyagomea masharti ya mganga, mganga alipotea kusikojulikana huku yeye akiwa ndani ya shimo na kuanza kupiga kelele ili Mungu amsaidie na ndipo alipofanikiwa kutoka ndani ya shimo huku laki sita zake pamoja na kuku mganga akiwa ametokomea navyo, anasema ilipofika asubuhi alianza kujilaumu na kumuomba Mungu msamaha kwa yote aliyoyafanya.                                                                                                                                                                                                                                                   Baada ya kuona Mambo yamekuwa magumu ndipo familia hii iliweza kuhudhuria katika ibada moja kanisa la fpct tegeta  na wakakutana na mtumishi wa Mungu Mch. Joram Jeremiah na ndipo mtumishi wa Mungu alipochukua hatua ya kuiombea familia hii huku akiwaomba kulitumaini jina la Mungu kwani mwaka kesho lazima watapata mtoto[yani mwaka huu 2014] kumbuka haya yote yalikuwa yanatokea mwaka jana mwaka 2013.                                                                                                                                                                

                                            mch.Joram Jeremiah Ntaseha[fpct tegeta]                                                                                                                                                                                                                       Hata hivyo baada ya maombi ya mtumishi wa Mungu , na familia hii kusubiri kwa miaka kumi nan nne ndipo mwezi wa nane mwaka huu Mungu aliweza kujibu uhitaji wao na kufanikiwa kupata mtoto wa kike jina lake akiitwa ANA kiukweli kumbe Mungu anajibu kila hitaji kwa wakati wake ungana na familia hii kumshukuru Mungu.                                                                                                                                                                                                                                                                                                                                                                                                                                

SOMO LA LEO KATIKA IBADA YA PILI KANISA LA FPCT TEGETA ...MUNGU ANAJIVUNIA MWENYE HAKI

                                                                                                                                                                                                                                                                                                                                                JUMAPILI Tar 31/08/2014 IBADA YA PILI SOMO LA LEO MUNGU ANA JIVUNIA MWENYE HAKI{KUISHI MAISHA YENYE HAKI}.                                                                                                                          
                                                                   Mwl.Evaline G.Manase  


  . AYUBU 1;1-6 Palikua na mtu mmoja ktk Nchi ya USI jina lake aliitwa AYUBU alikua ni mtu aliye mcha MUNGU sana na kuwa ni mtu mkamilifu mmbele za Mungu.,Anapo tokea mtu mwenye haki duniani Mungu hujivunia saana,lakin upande wa pili shetani nae huchukia saana na kuendelea kufuatilia maisha ya mwenye haki huyo AYUBU 3;3-10 ,Shetani huwashitaki wenye haki mbele za MUNGU Shetani huwatumia watu/vitu vya karibu saana kukujaribu,mke,watoto,mali,majiran wanaweza kuwa jaribu.. ,Kwa nn huwashitki? huwashitaki ili kumdhihaki Mungu. shetanii ana uwezo sawa na malaika kwa hiyo huiona mioyo ya wanadamu na kutamani Mtu mwenye haki aangamie.. Mungu humruhusu shetani amjaribu mwenye haki wake. kwa nn MUNGU hukubari ajaribiwe ? ,1/Mungu ajivunie 2/shetani aabike 3/ushuhuda uwepo. 4/watu waokolewe 5/ tuendelee kumtumaini.. ,Mungu alimtumia Ayubu kumsimangia shetan kwa kua alikwisha kumwona ni mwenye haki. M aisha ya watakatifu yana chunguzwa na kuwindwa saana ili aweze kurudi nyuma. simama katika UKamilifu hatakama kuna mapto,taabu.mateso,na dhiki mbali mbali unazo pitia wew simama tu ktka hali ya utakatifu utashinda. Simama tu endelea kudai haki yako mbele za Mungu kam Ayubu alivyo simama. Hakutenda dhambi hatakma alipt katka Magumu.. usi lalamike mbele za Mungu si mama na BWANA naye ata kushindia Mwachie YESU kila kitu chako yeye ni mshindi ugumu wowote yeye ni msindi..Mungu ni mwema saana hawezi kumuacha mwenye haki wake afe. Jikaze,jivute simama IMARA atakushindia na wew utarudishiwa mara saba...Mungu akutie nguvu na akuinue ktka maisha yako yoote na uwe mshindi..MUNGU WA MBINGUNI AKUBARIKI AAMEEEEE'''''' BY MW EVELIN G. MANASE FPCT -TEGETA

HILI NDIO TAMKO LA JUKWAA LA WAKRISTO TANZANIA KUHUSU MCHAKATO WA KATIBA MPYA

JUKWAA LA WAKRISTO TANZANIA

TAMKO LA JUKWAA LA WAKRISTO TANZANIA KUHUSU MCHAKATO WA KATIBA

Sisi, wajumbe wa Jukwaa la Wakristo Tanzania, tuliokutana tarehe 27 hadi 28 Agosti, 2014, Dar es salaam , tumepata fursa ya kutafakari, kujadili na kujielimisha kwa kina yaliyomo katika Rasimu ya pili ya Katiba na mjadala unaoendelea katika Bunge Maalum la Katiba. Baada ya mjadala wa kina, tunatoa tamko letu kama ifuatavyo:

• Tunaipongeza Tume ya Mabadiliko ya Katiba ambayo ilikusanya Maoni ya WANANCHI kuhusu mabadiliko hayo na kutuletea Rasimu yenye maoni mengi ya Watanzania bila kujali dini zao, upande wa Muungano walikotoka, hali zao za kimaisha, jinsi na kabila. 

• Pia tunaipongeza Tume kwa kuandaa nyaraka na kumbukumbu mbalimbali kama Randama, Nyaraka zenye maoni ya wananchi, picha, tafiti mbalimbali na hata orodha ya watu walioshiriki kutoa maoni katika Tume. Tume pia iliweza kuandaa Tovuti iliyokuwa na kumbukumbu za Tume na Maoni yote yaliyotolewa. Kazi hii ni ushahidi kuwa Tume iliandaa Rasimu kwa weledi na kwa mujibu wa Sheria ya Mabadiliko ya Katiba kwa kuzingatia maoni ya WANANCHI.

• Tume imedhihirisha kuwa, ilitenda KIZALENDO na, kwa mantiki hiyo, wajumbe wote bila kujali vyama vyao, dini zao na upande wa Muungano walikotoka, waliweza kujadili kwa uwazi na kweli na mwisho wakaridhiana katika kila Ibara iliyopendekezwa. Hili linatufundisha kuwa Katiba ni MARIDHIANO na si jambo la maslahi ya kisiasa, bali ni suala la maslahi ya WANANCHI.

• Tunaamini kuwa kila Mjumbe wa Kamati ya kukusanya maoni ya WANANCHI aliheshimu kiapo chake na hivyo kufanya kazi waliyokabidhiwa kwa uaminifu na uadilifu na ya kwamba hawakushawishiwa au kupokea rushwa kutoka kwa kundi, dini au chama chochote cha siasa wakati wa zoezi hili.

Baada ya Tume kuwasilisha Rasimu kwenye Bunge Maalum la Katiba, Taifa likaanza kushuhudia “uasi wote na uovu wa wanadamu wapingao kweli kwa uovu” (Warumi 1:18). Katika mijadala ya Bunge Maalum la Katiba (BMK) yakaanza kujitokeza mambo mengi yasiyo ya maslahi kwa WANANCHI, na ukiukwaji wa sheria na kanuni. Mambo kadhaa yanadhihirisha hili:

• Tovuti ya Tume ya Mabadiliko ya Katiba ilifungwa bila sababu za msingi kutolewa wakati mchakato unaendelea. Hali hii imefanya zile nyaraka na kumbukumbu zilizoandaliwa kwa ajili ya rejea na kuwezesha mjadala wa Rasimu ya Katiba kuendelea katika mwanga na ufahamu wa nyaraka hizo kutowezekana kabisa. Kwa sababu hiyo, tumeona Bunge Maalumu la Katiba likiendelea kupotosha takwimu na taarifa mbalimbali ambazo WANANCHI hawawezi kuzipata kwa ajili ya kuoanisha baina ya kinachojadiliwa Bungeni na kilichomo katika Rasimu na viambatanisho vyake vyote. Tunajiuliza jambo hili limefanywa na nani na kwa maslahi ya nani?

• Bunge la Katiba limeshindwa kusimamia Kanuni kama ambavyo zilipendekezwa na kuridhiwa na wajumbe wa Bunge Maalum la Katiba. Kushindwa huku kusimamia kanuni kumesababisha vurugu ndani ya Bunge Maalumu na kumekwamisha matarajio ya wananchi kupata Katiba bora ya nchi yetu. Matumizi ya ubabe na wingi wa Wabunge wa Chama Tawala (CCM), badala ya Kanuni za Bunge na maridhiano, kumefanya mchakato wa Katiba kuhodhiwa na Chama Tawala dhidi ya maslahi ya WANANCHI.

• Mijadala katika Bunge Maalumu la Katiba imekuwa ya kejeli, matusi, vitisho, ubabe na kupuuza hata kupotosha maoni yaliyotolewa na Wananchi kwa Tume. Hali hii imelifanya Bunge Maalumu la Katiba kupuuzwa na hivyo kupoteza heshima na hadhi yake. Matokeo yake baadhi ya wajumbe wa Bunge la Katiba wakaamua kususia vikao vya bunge na wengine kuendelea, bila kukumbuka kuwa KATIBA NI MATOKEO YA TENDO LA MARIDHIANO NA SI SUALA LA MASLAHI YA KIKUNDI CHA WATU WACHACHE.

• Hatua iliyofikiwa ni dhahiri, Mjadala wa BMK unaoendelea umeondoa kwa kiasi kikubwa maoni yaliyotolewa na wananchi kuhusu muundo wa Muungano, kupunguza mamlaka ya Rais, uwajibikaji na uwajibishwaji wa wabunge, ukomo wa ubunge, n.k., na kuwezesha maoni na maslahi ya Chama Tawala kwa uongozi wa kikundi cha wanasiasa wachache wasio na uaminifu na uadilifu wa kutosha kuwekwa kama mapendekezo ya Katiba mpya kwa nia ya kulinda maslahi binafsi au ya makundi na kuhalalisha ukiukwaji mkubwa wa sheria, kanuni na maadili ya uongozi bora.

Baada ya kujadili na kuona haya na mengine mengi, Jukwaa la Wakristo Tanzania lina maoni yafuatayo;

1. Kwamba Serikali (Wizara ya Katiba na Sheria) irudishe tovuti ya Tume ya Mabadiliko ya Katiba na nyaraka zake zote kwa ajili ya wananchi kuendelea kuona kazi waliyoifanya, kujifunza na kujadili Rasimu ya Katiba kwa uwazi.

2. Kwamba maoni ya wananchi hayawezi kufutwa na kudharauliwa na Chama Tawala. Hivyo basi, Bunge Maalumu la Katiba linaloendelea lijadili na kuboresha tu maoni yaliyomo katika Rasimu ya Katiba na sio kufanya mabadiliko katika Katiba ya mwaka 1977.

3. Kwamba mchakato wa Katiba usimamishwe ili kupisha majadiliano, maelewano na maridhiano muafaka, uchaguzi mkuu na wa serikali za mitaa. Na mabadiliko ya Katiba ya 15 ya mwaka 1977 yafanyike kuwezesha chaguzi kufanyika kwa uwazi na haki. Pia, kuweka kifungu kitakacholinda Rasimu ya pili na kumtaka kiongozi ajaye kuendelea na mchakato wa Katiba.

4. Kwamba baada ya Bunge Maalum la Katiba kuanza shughuli zake tena, Mwenyekiti wa Bunge hilo afanye kazi kwa mujibu wa kanuni na Sheria ya Mabadiliko ya Katiba badala ya kutumia ubabe na kiburi cha wingi wa wajumbe wa Chama cha Mapinduzi katika Bunge la Katiba.

5. Kwamba wananchi waendelee kusoma na kujadili maoni yaliyoko katika Rasimu ya pili ya Katiba, na kufuatilia kitakachokuwa kinajadiliwa kwenye Bunge la Katiba ili kuwawezesha kupiga kura ya maoni wakiwa na uelewa wa kutosha kabisa kuhusu ni nini kipo kwenye “Katiba inayopendekezwa”. Wananchi pia wajitokeze kwa wingi kujiandikisha kwa nia ya kuwawezesha kupiga kura ya maoni.

6. Kwamba tunaomba Tume ya Mabadiliko ya Katiba ihuishwe na kupewa mamlaka kisheria ili kuiwezesha kujibu maswali yanayojitokeza na kutoa ufafanuzi kwa Bunge Maalumu la Katiba na wananchi kwa jumla hadi Katiba Mpya itakapokamilika na kukabidhiwa rasmi.

Jukwaa la Wakristo Tanzania na Watanzania wote wanaoitakia nchi yao mema, tunakuomba Mheshimiwa Rais kwamba AMANI ya nchi yetu sasa imo mikononi mwako hasa katika kipindi hiki cha kuandikwa kwa Katiba Mpya. Tunakuomba uahirishe mchakato unaoendelea ili uepushe ishara za aina mbalimbali za kuanzisha sintofahamu nchini mwetu na hali yoyote inayoweza kuathiri vibaya mshikamano, umoja na amani ya Taifa letu.

Ifahamike kuwa WANANCHI wa Tanzania wako juu ya Wajumbe wa Chama cha Mapinduzi. Kwa mantiki hiyo, tunakuomba uepushe WANANCHI wa Tanzania kuhamasishwa kukikataa Chama cha Mapinduzi kwa kuwa tu Chama hicho kimeyapuuza na kimekataa Maoni yao waliyotoa kwa dhati baada ya kuaswa na kuhimizwa kufanya hivyo na viongozi wa nchi.

“Na kama walivyokataa kuwa na Mungu katika fahamu zao, Mungu aliwaacha wafuate akili zao zisizofaa, wafanye yasiyowapasa. Wamejawa na udhalimu wa kila namna, uovu na uuaji, na fitina, na hadaa; watu wa nia mbaya, wenye kusengenya, wenye kusingizia, wenye kumchukia Mungu, wenye jeuri, wenye kutabakari, wenye majivuno, wenye kutunga mabaya, wasiowatii wazazi wao, wasio na ufahamu, wenyekuvunja maagano, wasiopenda jamaa zao, wasio na rehema; si hivyo tu, bali wanakubaliana nao wayatendao”. (Rejea Warumi 1: 28-32)

IKUMBUKWE KUWA RASIMU YA PILI YA KATIBA NI WARAKA HALALI NA RASMI NA NDIYO MAWAZO YA WATANZANIA NA TUNAHIMIZA KUWA KATIBA NI YA WANANCHI NA INAHITAJI MARIDHIANO NA SIO UBABE.

HATARI MTANDAO WA DINI YA SHETANI WAJITANGAZA AFRIKA MASHARIKI

MTANDAO WA DINI YA SHETANI WAJITANGAZA AFRIKA MASHARIKI

Katika hali isiyokuwa ya kawaida, mtandao mmoja nchini Kenya unaoendesha shughuli zake nchini Kenya kuanzia Februari 23 mwaka jana, umetoa tangazo linalowataka watu kujiunga na dini inayomwabudu Shetani, ikiwa wazi kwamba imekuwa ikiwaingiza Watanzania katika mtandao wake.
Kupitia mtandao huo ambao kwa hekima blog hii linauhifadhi, dini hiyo imetoa tangazo lenye mvuto wa aina yake ikijinadi kwamba ina uwezo wa kumpatia mtu atakayetimiza masharti ya kujiunga nayo kiasi cha shilingi milioni 50.

                                                                   “You can join and get sh.50 Milion”, sehemu ya tangazo la dini hiyo linaeleza kwa lugha ya Kiingereza, likimaanisha kwamba atakayefanikiwa kujiunga atapatiwa shilingi milioni 50 za Kenya.

                                                                                       
Tangazo la dini hiyo likiwa na nembo yake yenye umbo la duara na alama ya nyota katikati linaeleza jinsi dini hiyo iliyojisheheneza nchini Kenya na kufanikiwa kuwapata wafuasi kutoka Tanzania kuanzia Februari 23 tangu mwaka 2013.

Kwa mujibu wa tangazo hilo, nchi ya Kenya yenyewe iliwahi kushangazwa na jinsi ambavyo dini hiyo imepenya na nchini humo na kupata mafanikio.

“…took the country by storm which raised the question of how well organized the secret societies associated with devil worshipping are in Africa”, linaeleza tangazo hilo kwa Kiingereza likimaanisha jinsi ambavyo dini hiyo ya siri inayojihusisha na ibada za kishetani barani Afrika ilivyowahi kuifanya Kenya namna ilivyoweza kujiendesha nchi humo. 

Gazeti moja la kila siku linalochapishwa nchini humo, likizungumzia dini hiyo katika moja ya makala zake lilieleza kuwa jumuiya za siri za Waabudu Shetani nchini Kenya huundwa na Wakenya wanaopendelea jambo hilo.

Aidha ililiweka wazi kuwepo kwa mtandao unaotoa mahubiri na pia kuonesha ibada za kishetani huku pia zikijitangazia watu wajiunga na dini hiyo.

Gazeti hilo liloandika kwamba kwamba mtandao huo huwataka watu wanaotaka kujiunga wanapaswa kuuza nafsi zao.

Gazeti hilo linalochapishwa kila siku Jijini Nairibi nchini Kenya, lilifanikiwa kuzungumza na mmoja wa watu waliojiunga na dini hiyo aliyekataa kutaja jina lake,ambapo alibainisha kwamba ni kweli kiasi kikubwa cha fedha hutolewa kwa mtu anayejiunga nao.

Alisema mtu huyo hupatiwa kiasi hicho cha fedha baada ya kutumiza masharti muhimu na kukubaliwa uanawachama kwa vigezo maalumu ambayo sio kila mtu anaweza kuvitimiza.

Fomu maalumu ya kwa mtu anayejiunga na dini hiyo, inamtaka akubali kuuza nafsi yake kwanza.
Pamoja mambo mengine mengi, fomu hiyo inaeleza kwamba mtu anayeuza nafsi yake ni lazima akubali kujitoa kikamilifu na kuitumikia dini hiyo kwa milile hata katika kifo.

Aidha fomu hiyo inamtaka mtu anayejiunga kujaza fomu kwa hiyari yake na kuwa na uelewa wa anachokifanya anachokifanya, ikiwemo mambo yatakayomtokea ikiwa itaachana na dini hiyo.

Uwepo watu wanaodaiwa kumwabudu shetani sio jambo geni kusikia nchini Kenya na Tanzania, ukiacha mataifa ya Marekani na Ulaya ambayo ni kitu cha kawaida, lakini suala la dini hiyo kujitangaza na kuelekeza nguvu zake nchini Tanzania ni suala linalopaswa kuchukuliwa tahadhari.

Akizungumza na fpct blog mmoja wa wachungaji waandamizi anayechunga kanisa moja kubwa Jijini Dar es Salaam, alisema tangu zama za kale wafuasi wa Shetani walikuwepo na watu hivyo kinachotakiwa ni kwa wachaMungu kulitambua hivyo na kushika nafasi zao katika kuhubiri Injili na kuwavuta watu kwa Yesu ili waepuke hila za shetani katika kuwateka na hatimaye kuwaangamiza.

Kwa sharti la kutotajwa jina lake mtandaoni, alisema kuwa waabudu shetani wako wengi ulimwenguni, wakitumia hata huduma na imani tata zinazojitangaza kuwa za Kikristo.

Alisema ndio maana katika mataifa ya barani Ulaya na Marekani ni jambo la kawaida kukuta mtu anasoma Biblia ya Kishetani akiamini kwamba ndiye mungu wake anayepaswa kumwabudu.

“Jambo hilo linamaanisha kwamba waabudu Shetani wapo na ndio maana hata wamechapisha Biblia zao.Kwa kweli dunia ipo katika nyakati za mwisho zilizotabiriwa katika Biblia, hivyo umakini unahitajika sana”, alisema Mchungaji huyo.

TAZAMA PICHA NAMNA SHEREHE ZA KUWASIMIKA NA KUWABARIKI WACHUNGAJI NA WAZEE WA KANISA ZILIVYOFANA JANA KATIKA KANISA LA FPCT MISSION YA MSANGA

                                                       Watu walikuwa wengi si mchezo                                                                                                                          

                                                 lazima upitie hapa ndo uingie kanisani                                                                                                                                                

   kulia ni mchungaji Joram Jeremiah Ntaseha wa fpct tegeta na mzee wa kanisa Kaponda wa msasani

                                                 mchungaji Joram Jeremiah Ntaseha

                                              Roho mtakatifu nae alichukua nafasi yake

                   mtumishi wa Mungu aliyekuwa mwalimu wa semina katika zoezi la kuwabariki wachungaji

                      askofu Revert Kamonongo akifatilia kwa umakini mambo yalivyokuwa yanaendelea                                                                                                

                                                kumsifu Mungu ilikuwa nzuri sana

                        ASKOFU Revert Kamonongo akiteta jambo na viongozi wa makao makuu fpct

JICHO LA MBALI

HII NDIO HISTORIA YA MWANAMUZIKI WA NYIMBO ZA INJILI REBECCA MALOPE

REBECCA Malope wengi akijulikana kama Malkia wa muziki wa injili Afrika amezaliwa 1968 katika kijiji cha Lekazi karibu na mji wa Nelsprut, Mpumalanga.                                                                                             

Historia ya mwimbaji huyo ambayo si nzuri kimaisha kwani Malope hakuendelea sana katika elimu na ni mambo machache sana yanafahamika kuhusiana na enzi za utoto wako.                                                          

Akiwa katika umri mdogo Malope alipata ugonjwa uliopelekea kutoweza kutembea na madaktari walidhani asingeweza kutembea tena katika maisha yake                                                                                                 . 

Familia yake ilikuwa masikini sana na ndipo yeye na dada yake Cynthia waliamua kukimbilia katika jiji la Johannesburg kitongoji cha Evaton kwa ajili ya kutafuta kazi kujikimu na maisha.                                                 

Mwaka 1986 Malope akiwa na miaka 21 alishirika kwenye mashindano ya kutafuta vipaji vya uimbaji yaliyojulikana kama ‘Shell Road to Fame’ lakini hakufanikiwa kufika mbali.                                                         

Malope hakukata tamaa ndipo mwaka uliofuata alishiriki tena na kuibuka mshindi na wimbo wa ‘Shine on’ ushindi huo ulimsogeza mbali sana kimuziki na ndipo alipokutanishwa na muandaaji mashuhuri Sizwe Zako na akapata meneja wake wa kwanza akijulikana kwa jina la Peter Tladi. 

Albamu yake ya kwanza ilikuwa na nyimbo za kidunia, albamu hiyo ambayo haikufanya vizuri sokoni na ndipo alipoamua kujiingiza moja kwa moja kwenye muziki wa injili.                                                                        

Alipata ushirikiano mkubwa sana kutoka radio mbalimbali kwa nyimbo zake za injili kitu ambacho hakikuwa kawaida sana Afrika Kusini. 

Mwaka 1990 Rebecca alishinda tuzo ya mwanamuziki bora wa kike wa Afrika Kusini,na mwaka 1993 ilikadiriwa watu zaidi ya milioni moja walimpigia kura kama mwanamuziki bora wa kike kwenye Coca Cola Full Blast Music Award Music Show na alishinda kwa mwaka huo na 1994 pia. Kwenye mauzo, Album zake zote kumi za kwanza ziliingia kwenye hadhi ya dhahabu.                                                                                

Katika kipindi chote nakala zaidi ya milioni 2 zilikuwa zimeshauzwa sokoni.Mwaka 1995 kwenye CD yake ya Shwele Baba nakala zadi ya milioni moja ziliuzwa ndani ya wiki tatu toka uzinduzi wake na hii iliweka rekodi ya aina yake katika historia ya soko la muziki Africa kusini. 

Mwaka 1996 haukuwa mwaka mzuri kwa Rebecca kwani alimpoteza baba yake mzazi, kaka yake na dada yake. Wote walifariki katika mazingira ya kutatanisha wakifuatana.                                                                       

Lakini hili halikumfanya Rebecca kukata tamaa na kuacha huduma bali alisonga mbele na kazi hiyo akijipa moyo na kuamini ni mpango kutoka kwa Mungu mwenyewe na hataacha kumtumikia. 

Rebecca anasema siri ya mafanikio yake ni kujituma, kuwa na malengo na kufanya kazi kwa bidii akimshirikisha Mungu hayo ndiyo yaliyomfanya kutawazwa Malkia wa muziki wa injili Afrika huku wengi wakimfananisha na marehemu Brenda Fassie.                                                                                                

Kati ya mwaka 1995 na 2004 Rebecca amezunguka ulimwenguni akiwa na bendi ya Pure Magic akimtukuza Mungu kwa njia ya uimbaji. 

Mwaka 2003 Malope alitunukiwa udaktari wa heshima kutoka chuo kikuu cha Natal kwa mchango wake mkubwa kwa jamii na muziki nchini Afrika kusini, na Desemba mwaka huo huo alishinda tuzo ya Kora kwa upande wa mwanamuziki bora wa Injili. 

Katika wanamuziki ambao alishirikiana nao kwa karibu sana na wamekuwa na mchango mkubwa kwake ni pamoja na marehemu Vuyo Mokoena.                                                                                                               

Mwaka 2004 Malope alianzisha kipindi chake katika runinga kikiitwa ‘Gospel time’ ambacho kinafanya vizuri sana. 

Mwaka huu februari 25 Malope amerekodi nyimbo za live katika jiji la Pretoria hiyo ikiwa ni albamu ya 32. 

Baadhi ya Tuzo ambazo Dkt. Rebecca Malope amewahi kutunikiwa ni 1994 mwimbaji bora, 1997 albamu bora sokoni iliyoitwa Uzube Nam, 1998 muimbaji bora wa nyimbo za injili Afrika na albamu bora katika mauzo iliyoitwa Angingedwa.                                                                                                                              

Nyingine ni 1999 muimbaji bora wa kike na muimbaji bora wa injili Afrika kupitia albamu ya Somlandela, 2002 msanii bora wa nyimbo za injili akishinda na wimbo wa Sabel Uyabizwa, 2003 msanii bora Afrika kupitia wimbo wake wa Iyahamba Lenqola na 2004 msanii bora wa mwaka kwa wimbo wake Hlala Nami.            

Huyo ndiyo Rebecca Malope ambaye ni kipenzi cha Rais wa kwanza wa frika Kusini Nelson Mandela na rais wa sasa Jacob Zuma ambaye amepitia tabu na changamoto nyingi katika maisha.